Driver nadaganan ng isinasalbang jeep sa baha, patay

MANILA, Philippines - Patay ang isang 45-anyos na driver nang maipit sa pagkakadagan ng isinasalbang dyip mula sa baha sa Sampaloc, Maynila, kamakalawa ng gabi.

Nabatid sa ulat ni PO3 Rodel Benitez, ng Manila Police District-Homicide Section, na dahil sa umano’y pagtatangka ng biktimang si Hannibal Faitec, residente ng Legarda St., Sampaloc, Maynila na malagyan ng jack ang kaniyang pampa­saherong dyip upang hindi malublob nang husto sa baha at hindi anurin ng tubig, nadaganan siya at naipit nito nang kumalas umano ang jack.

Posibleng dahil din sa bigat ng dyip ay hindi na nakatayo ang biktima at wa­­lang nakakita upang su­maklolo hanggang sa malunod nang tuluyan sa baha.

Huli na nang mapansin umano ng kanyang kaanak ang insidente at saka lamang ito isinugod sa De Ocampo Medical Center ngu­nit dead-on-arrival na ito.