62-anyos na lolo, nagbigti

 Manila, Philippines - Patay ang isang 62-anyos na lolo matapos itong magbigti sa loob ng kanilang bahay sa Malabon City kahapon.

Wala nang buhay nang ma­tagpuan ang nakabigting biktimang si Benjamin Lacson­, nakatira sa Camus St., Brgy. San Agustin ng nabanggit na lungsod. Kable ng telepono ang ginamit nito sa pagpapakamatay.

Ayon sa imbestigasyon ng Malabon City Police, nagpaalam umano ang misis ng biktima kamakalawa ng umaga  na aalis muna, subalit sinabi ng mister na dalhin na nito ang susi dahil aalis din umano siya.

Dakong alas-11:00 ng umaga, bumalik ang ginang at laking gulat nang makitang nakabigti na ang biktima na naging dahilan upang ipa­alam sa mga pulis ang insidente.

Iniimbestigahan na ng mga awtoridad ang nasabing insidente kung saan inaalam kung may naganap na foul play sa pagkamatay ni Lac­son­.