Manila, Philippines - Aabot sa 100 kabahayan ang natupok sa naganap na sunog sa Caloocan City kahapon ng madaling-araw.
Sa ulat ng Caloocan City Fire Department, dakong ala-1:00 ng madaling-araw nang magsimula ang sunog sa P. Zamora St., Brgy. 17 ng naturang lungsod at dahil dikit-dikit ang mga bahay ay mabilis na kumalat ang apoy.
Aabot sa 300 pamilya ang nawalan ng tirahan kung saan habang isinusulat ang balitang ito ay hindi pa tuluyang naaapula ang apoy.
Inaalam na kung ano ang pinagmulan ng sunog. Wala namang iniulat na nasawi o nasugatan sa nasabing sunog.