Metro-wide search sa pinakamalinis na barangay

MANILA, Philippines - Hinikayat ni Quezon City Mayor Herbert Bautista ang lahat ng 142 barangay lungsod na suportahan ang metro-wide search para sa pinakamalinis na barangay.

Ang “Barangay Power 2012: Malinis, Kanais-nais” contest na inilunsad ng MMDA ay humihikayat sa may 1,705 barangays sa Metro Manila na panatilihin ang kalinisan sa kani-kanilang lugar.

Sa ilalim ng paligsahan, ang mga barangay ay dapat­ na mag-grupo sa apat para sa apat na kategorya depende sa laki ng kanilang land area at kita.

Ang mananalo rito ay pi­piliin sa bawat kategorya. Tatanggap naman ng P1 milyon cash prize at plaque of recognition ang mananalo sa bawat kategorya at sa Nob­yembre 7 ang pagkakaloob ng premyo sa mga mananalo sa anibersaryo ng MMDA.