2,000 naapektuhansa sumabog na ice plant

Manila, Philippines -  Umaabot sa 2,000 residente ang naapektuhan matapos makalanghap ng ammonia mula sa su­mabog na planta ng yelo sa Brgy. Sta. Cruz, Quezon City ka­hapon ng umaga.

Sa ulat ni P/Supt. Pedro Sanchez, hepe ng Ma­sambong PNP Station 2 ng QCPD, dakong alas-10:30 ng umaga nang su­mabog ang valve ng ammonia­ sa compound ng Genuino Ice plant sa panulukan ng Moran at Gen. Lim Streets.

Napilitang maglabasan sa kani-kanilang bahay ang 2,000 residente dahil sa pananakit ng dibdib at pagkahilo sa masamang amoy ng kemikal na nagmula sa nasabing planta.

Ayon kay Sanchez, umaabot sa 300 kabataan ang isinugod sa ospital habang ang 30 bata naman ay dinala sa bisinidad ng drug store kung saan sila pinahiga sa labas at inayudahan.

Lumilitaw sa imbes­tigasyon na inaayos ng meka­nikong si Eduardo Sison ang check valve ng ammonia nang biglang bumigay ito at nagbuga ng malakas na pressure.

Hindi naman na­apek­tuhan ang mga mag-aaral­ sa PMI Colleges sa Roose­velt Ave. na may ilang metro­ ang layo sa ice plant.