Libreng sakay sa LRT ngayong Araw ng Kalayaan

MANILA, Philippines - Magbibigay ang Light Rail Transit Authority (LRTA) Line 1 at Line 2 ng libreng sakay sa publiko sa mga pi­ling oras ngayong Araw ng Kalayaan.

“In celebration of the 114th year anniversary of the Philippine Indepen­dence that carries the theme ‘Kalayaan: Pananagutan ng Bayan para sa Tuwid na Daan’, the Light Rail Transit Authority (LRTA) is offering the public free rides today, June 12, 2012 at LRT Lines 1 and 2,” ayon sa pahayag ng LRTA.

Sinabi ni Engr. Emerson Benitez, LRTA Officer-in-Charge, na libre ang sakay ng Line 1 at Line 2 mula sa pa­gitan ng alas-7 hanggang alas-9 ng umaga at alas-5 ng hapon hanggang alas-7 ng gabi.

Ito ay makaraang hilingin ng National Historical Commission na bigyan ng libreng sakay ang publiko upang ma­engganyo na magtungo at lumahok sa iba’t ibang se­lebrasyon at programa na inihanda ng pamahalaan sa Metro Manila.

Noong nakaraang taon, nagbigay rin ng libreng sa­kay ang LRTA kung saan nasa 121,000 pasahero ang kanilang nabigyan na karamihan ay nagtungo sa Rizal Park malapit sa UN station.

Samantala, magpapatupad naman ng traffic re-rou­ting ang National Capital Region Police Office (NCRPO) katuwang ang Metropolitan Manila Development Autho­rity (MMDA) sa Roxas Boule­vard upang bigyang daan ang selebrasyon sa Rizal Park.

Isasara mula alas-6 ng umaga ang kahabaan ng north at southbound ng Ro­xas Boulevard mula Katigbak hanggang TM Kalaw at southbound lane ng Ma. Orosa mula P. Burgos hanggang TM Kalaw.