Lalaki patay sa 'tulak', 2 sugatan

MANILA, Philippines - Isang 43-anyos na lalaki ang namatay matapos na barilin ng nakaaway na mga ‘tulak’ kung saan dalawa pa ang nasugatan matapos tamaan ng ligaw na bala sa Tondo, Maynila, kahapon ng umaga.

Dead on the spot si Edgardo Pinlac, may-asawa, walang trabaho ng Wilson Subd., Cavite City sanhi ng tama ng bala sa likurang bahagi ng katawan.

Sugatan naman sanhi ng tama ng ligaw na bala ang anak ng biktima na si Manny, 16, out of school youth at Agustina Aralla, 41, vendor, at kapwa ginagamot sa Gat Andres Bonifacio Memorial Medical Center.

Inaalam pa ng mga awtoridad ang pagkilanlan  ng tatlong lalaking armado ng baril na mabilis na tumakas matapos ang pamamaril.

Sa ulat ni SPO1 Jonathan Moreno, ng Manila Police District-Homicide Section, dakong alas 8:40 ng umaga nang maganap ang insidente sa panulukan ng San Bartolome at Asuncion  Sts., Tondo, Manila.

Nauna dito, nagkakaroon umano ng mainitang pagtatalo ang biktima kasama ang anak nito at mga suspect hanggang sa barilin ng isa sa kanila ang biktima.

May impormasyong onsehan sa iligal na droga ang pinagtatalunan ng mga suspect at biktima.