Tandem nangholdap na, nang-rape pa

MANILA, Philippines - Matapos manloob sa isang tahanan at mangholdap ay ginahasa pa ang isang dalagita ng da­la­wang lalaki na riding-in-tandem sa Marikina City, kamakalawa ng umaga.

Kinilala ng pulisya ang mga biktima na sina Florabel Colupano, 36, ama nitong si Fermin, 64 , residente ng Scarlet St., SSS Village, Concepcion Dos, Rico Hernandez, 46, driver.

Sa ulat, nabatid na ang insidente ay naganap dakong alas-9:00 ng umaga sa bahay ng mga Colupano kung saan ay dumating ang Starex van na minamaneho ni Hernandez na may lamang mga pagkain para sa mga guro ng Roosevelt College, San Mateo na nagdadaos ng seminar kung saan si Florabel ang nag-aasikaso.

Biglang dumating ang mga suspek at tinutukan ng baril ang mga tao sa loob ng bahay bago ikinulong sa isang kuwarto at saka ginahasa ang isang dalagita. Matapos ang panghahalay ay tinangay din ng mga suspek ang pera, alahas at iba pang gamit ng mga biktima at mabilis na tumakas.