Traffic enforcer kritikal sa barker

MANILA, Philippines - Nasa kritikal na kondis­yon ang isang traffic enforcer matapos saksakin ng isang barker habang ang una ay nagta-trapik sa Caloocan City kamakalawa.

Inoobserbahan sa East Avenue Medical Cen­ter sanhi ng saksak sa sikmura ang biktimang si Pablo­ Gammaru, 58, ng Bo. San Lazaro, Tala ng nabanggit na lungsod. Pinaghahanap naman ng mga pulis ang suspek na nakilala lang sa alyas na Lakay.

Lumalabas sa report ng Station Investigation Division (SID), Caloocan City Police, dakong alas-4:30 ng hapon na­ganap ang insidente sa Zabarte Road ng nabanggit na siyudad habang nagtatrapik ang biktima nang lapitan ng suspek at kinompronta.

Dito na nagkaroon ng ma­initang pagtatalo hanggang sa magbunot ng patalim ang suspek at sinaksak ang biktima.

Matapos ang insidente ay tumakas ang suspek habang dinala naman ang biktima sa nabanggit na pagamutan kung saan ina­ alam ng mga pulis ang motibo sa insi­dente.