Habambuhay sa 'tulak' na Intsik

MANILA, Philippines - Hinatulan ng habambuhay na pagkabilanggo ng Manila Regional Trial Court ang isang Chinese national matapos na ma­patunayang nagkasala sa pagbebenta ng Ephedrine o sangkap ng shabu na nagkakahalaga ng P1 milyon sa Binondo, Maynila noong 2007.

Sa pitong pahinang desisyon ni Judge Rey­ naldo Al­hambra ng branch 53, si Ji Jin Dun, kilala din sa pa­ngalang Tsi Tsai Tsun, na pi­naniniwalaang miyembro ng isang inter­national drug syndicate ay napatunayang guilty sa paglabag sa Sec. 5, Republic Act 9165 o Comprehensive Dangerous Drugs Act of 2002 matapos na makuhanan ng nasabing droga.

Pinagbabayad din ng korte­ si Dun ng P1 mil­yon­ bilang penalty.

Batay sa record, na­da­kip si Dun ng mga PDEA noong Mayo 4, 2007 sa Binondo, Maynila kung saan nasamsam dito ang may 721.46 gramo ng Ephe­drine sa isinagawang buy-bust operation.

Ang Ephedrine ang pa­­­­ngunahing sangkap sa paggawa ng methamphe­tamine hydrocloride o shabu.