Dahil sa titig, sekyu patay

MANILA, Philippines - Isang security guard ang patay habang isa pa ang sugatan sa pa mamaril ng dalawang hindi natukoy na mga sa larin matapos na mag katitigan sa isang res taurant sa lungsod Quezon, kahapon ng ma daling-araw.

Kinilala ang nasawi na si Jessan Dalumdom, 30, ng Brgy. Bagong Silang Quezon City habang sugatan naman matapos tamaan ng ligaw na bala   si Sainoding Hadjinoor, 22, ng Manggahan Brgy. Commonwealth, Quezon City.

Agad namang nagsipagtakas ang mga suspect makaraan ang pamamaril. Nangyari ang insi dente sa isang restaurant sa  Bicoleyte St., Brgy. Commonwealth Quezon City, ganap na ala-1:30 ng madaling-araw habang nag-iinuman ang biktimang si Dalumdom kasama ang kanyang mga kamag-anak nang dumating ang mga suspect.

Unang tinungo ng mga  suspect ang kahera saka nagtanong kung may bakante pang lamesa, kung saan tiyempo namang papalabas  si Dalumdom kung saan  nagkatitigan ang mga ito.

Matapos ang pagtatanong ay lumabas ang isa sa mga suspect, at sinundan nito si Dalumdom, saka nagbunot ng baril at pinaputukan ng sunud-sunod sa katawan sanhi ng agaran nitong kamatayan.

Samantala, si Hadji noor na kostumer din sa establisimento ay tinamaan naman ng ligaw na bala sa tenga.

Matapos ang insi dente ay agad na tumakas ang mga suspect na siya ngayong target ng follow-up operations ng mga tropa ng QCPD.