Informal settlers gagamitin

MANILA, Philippines - Nagpahayag ng pangamba si Fr. Nonong Fajardo, consultant ng Housing Ministry ng Caritas Manila na posibleng magamit na naman ng mga pulitiko lalo sa nalalapit na 2013 midtem elections ang mga informal settler sa Metro Manila.

Ayon kay Fajardo, dalawang taong pamamahala ng administrasyong Aquino, wala itong naipagkaloob sa mga informal settlers kundi puro demolisyon.? “Lalo na ngayong malapit na ang halalan, kikilos na naman ang mga pulitiko, pero ang tunay na pangako nila sa mga botanteng informal settlers ay hindi nila tinutupad,” ani Fajardo.

Kaugnay nito, ayon sa pari paghahanap ng trabaho ang dahilan kung bakit dumarami ang informal settlers­ sa Metro Manila.?? Nakakalungkot na  sa halip na lumiit lalo pang lumalaki ang bilang ng mga informal settler­, kakaunti ang pinagkakakitaan sa kanayunan at naririnig nilang may trabaho raw sa Kamaynilaan kaya dumadagsa.