MANILA, Philippines - Tiniyak ng Multisport Iloilo na magiging maayos at maganda ang Mango Man Triathlon na gaganapin sa Guimaras ngayong Linggo, Abril 15 kung saan ipakikita sa palaro ang kagandahan ng isla nito at upang maitaguyod ito bilang sports tourism destination ng Western Visayas.
Ang Mango Man Triathlon ay itinatayang pinakamalaking human endurance race sa Western Visayas na itatanghal ng pribadong grupo ng mga manlalaro. Maipapakita ang kagandahan ng white sand beaches ng Guimaras sa 1.5-kilometer open-sea swim, ang mga malalagong kabundukan sa 40-kilometer bike ride, at ang rolling terrain sa 10-kilometer run.
Samantala, mayroon din 5-kilometer at 10-kilometer Fun Run para sa pamilya at sa mga interesadong sumali. Ang Mango Man Triathlon ay joint venture ng Probinsiya ng Guimaras, Multisport Iloilo at ng 2012 Manggahan Festival Foundation.