Sekyu dinedo sa harap ng anak at pamangkin

MANILA, Philippines - Kamatayan ang sumalubong sa 31-anyos na security guard matapos pagbabarilin ng di-kilalang lalaki sa harap ng kanyang anak at pamangkin kahapon ng madaling araw sa Quezon City.

Ayon kay  P/Supt. Rodel Marcelo, hepe  ng Criminal Investigation and Detection Unit ng  QC PNP, kinilala ang biktima na si Darryl Banaybanay y Kalibo ng #423 Don Francisco Street, Villa  Beatriz sa Barangay Old Balara, Quezon City.

Naganap ang krimen  dakong ala-1:20 ng madaling-araw sa bisinidad ng De Leon Street sa Barangay  Holy Spirit.

Lumilitaw na kasama ng biktima ang kanyang anak at pamangkin lulan­  ng  traysikel patungong terminal ng bus mula sa kanilang tahanan.

Nabatid na magpipik­nik sana ang tatlo subalit nawalan ng gasolina ang traysikel kaya nagpasyang maglakad patungong terminal ng bus.

Dito na nilapitan at niratrat ng gunman ang biktima sa harapan mismo ng kanyang anak at pamangkin habang patuloy naman ang imbestigasyon.