Binata utas sa grupo ng adik

MANILA, Philippines - Pinagtulungang saksakin at mapatay ang 25-anyos na binata matapos ma­pagtripan ng grupo ng kalalakihang adik sa bawal na droga kamakalawa ng madaling-araw sa Caloocan City. Namatay habang gina­gamot sa Manila Central University Hospital ang biktimang si Reggie Janapin ng Maganda St., Barrio Obrero sa nabanggit na  lungsod.

Lumalabas sa imbestigasyon ng pulisya, naganap ang krimen dakong alas-3 ng madaling-araw sa bisinidad ng Reparo St. kung saan naglalakad lamang ang biktima. Samantala, inaalam naman ng mga pulis ang pagkakakilanlan ng mga suspek na sinasabing miyembro ng Sawako Gang.