MANILA, Philippines - Dedo at halos madurog ang katawan ng isang helper nang mag-collapse ang inililipat nilang bakal sa Navotas City kamakalawa.
Kinilala ang biktimang si Jesus Mondiego, ng Gulayan, Brgy. Catmon, Malabon City na nagtamo ng matinding pinsala sa ulo at katawan.
Naganap ang insidente pasado alas-4:00 ng hapon sa pinapasukang Trans Pacific Journey Fishing Corp., ng biktima na nasa H. Lopez St., Brgy. North Bay Boulevard ng nabanggit na siyudad.
Ayon sa mga kasamahan ng nasawi, ililipat nila ng puwesto ang bakal na lalagyan ng gamit na may taas na 16 talampakan nang bumagsak ito hanggang sa mabagsakan ang biktima at dahil sa bigat ng bakal ay halos madurog ang katawan na naging dahilan ng agaran nitong kamatayan.