MANILA, Philippines - Arestado ang isang babae na umano’y tulak sa isinagawang buy-bust operation ng Manila Police District (MPD) kamakalawa ng hapon sa Tondo, Maynila.
Si Marilyn Bautista, alyas Aireen, 36, ng Juan Luna St., Tondo, Maynila ay kasalukuyang nakadetine sa MPD-District Anti-Illegal Drug Special.
Dakong alas-4:30 ng hapon isinagawa ang nasabing buy-bust operation sa panulukan ng Moriones at Sta. Maria Sts., sa Tondo.
Nabatid na mismong si Bautista na ang lumapit sa nagpanggap na poseur- buyer at nag-alok ng shabu.
Naging hudyat naman ang isinampay na “bimpo” sa balikat ng poseur-buyer upang arestuhin si Bautista.