'Akyat Bahay', arestado

MANILA, Philippines - Isang miyembro ng ‘Akyat^­ Bahay gang’ ang natimbog ng mga barangay tanod habang itinatakas ang ninakaw na vaccum cleaner na kinulimbat sa isang bahay sa lungsod Quezon kahapon ng ma­daling-araw.

Walang nagawa pa si Rodel dela Hostria, 46, nang bitbitin ng mga ba­rangay tanod at dalhin sa himpilan ng pulisya.

Siya ay ipinagharap ng reklamo ng biktimang si Jonathan Santos, 33, re­sidente sa 136 Sct. Rallos St., Brgy. Sacred Heart dahil sa pagnanakaw ng nasabing gamit.

Sa imbestigasyon, nangyari ang insidente ganap na alas-3 ng madaling-araw makaraang pasukin ng suspect ang bahay ni Santos sa pama­magitan ng pag-akyat sa gate nito. Habang itina­takas ng suspect ang vaccum cleaner na nagkakahalaga ng P4,000 ay nakita ito ng biktima at hinabol.

Tiyempo namang nag­pa­patrulya ang nasabing mga tanod at hinarang ang suspect at inaresto.