HDO vs manugang ni ex-Rep. Daza iniutos

MANILA, Philippines - Inatasan kahapon ni Justice Secretary Leila de Lima ang Bureau of Immigration na ipatupad ang hold departure order laban kay Allan Robes na suspect sa pagpatay sa dating kinakasama ni dating Quezon City Representative Nanette Castelo-Daza, na si Noel Orate Sr.

Kumpiyansa ang kalihim na hindi papayagan ng immigration na makalabas ng bansa si Robes dulot ng pinalabas na HDO ng korte.

Una nang hiniling ng pamilya Orate sa kay Judge Luis Mase­rin, presiding judge ng Quezon City Regional Trial Court Branch 218 na magpalabas ng HDO laban sa suspect na agad namang pinaboran nito.

Dakong alas-10 ng umaga kahapon ng magtungo sa DOJ si Noel Orate Jr., anak ng biktima at humiling din ng re-investigation ng NBI sa kaso. Ibinunyag na­man ni Jimenez na matapos maibaba sa homicide ang kaso laban kay Robes ay kumilos na umano ang grupo nito upang makatakas ng bansa ang suspect.

Binanggit din ng batang Orate na naka­tatanggap na sila ng banta sa buhay.