'Holdaper' tinodas sa hiram na baril

MANILA, Philippines - Napatay ang isang lalaki na sinasabing holdaper ng kanyang kabaro matapos mang-agaw ng baril ang una habang magkaangkas sa motorsiklo bahagi ng Palanca Street, San Miguel, Maynila kahapon ng madaling-araw.

Tatlong tama ng bala sa katawan ang tumapos sa buhay ng biktimang nakilala lamang sa alyas Roland, 5’5, ng Bagong Barrio, Caloocan City habang naaresto naman ang suspect na si Monaim Adil, 26, tubong Marawi, ng Camia Street, Lower Jasmin  Ext. Payatas, Quezon City.

Lumilitaw sa imbestigasyon ni PO2 Jose Gumilan, nanghiram ng baril ang magkaibigan dahil sa may babanatang kaaway, suba­lit tinangkang agawin ng biktima ang baril ng suspek.

Hindi naman naniniwala ang pulisya sa alibi ng suspect kung kaya patuloy naman ang imbestigasyon.

“Sigurado may lakad ang dalawa kundi holdap, drugs, ayaw lang niya sabihin ang totoo,” ayon kay Gumilan.