Rider dedo sa dump truck

MANILA, Philippines - Patay ang isang rider ma­­tapos na sumemplang sa ma­dulas na kalsada bago tuluyang mabundol ng isang dump truck sa lungsod Quezon kahapon ng madaling araw. Kinilala ang biktima na si Christian Cando, 27, ng Heroes del 96, DM Compound, Caloocan City. Kusa namang sumuko ang driver ng truck na si Da­nilo Caudin, 36, ng Brgy. Ba­bosalan, Porac Pampanga. Nangyari ang insidente sa kahabaan ng Edsa Northbound lane, partikular sa harap ng Caltex Gas Station, ganap na alas-12:30 ng madaling-araw.

Bago ito, kapwa binabay­bay ng Honda XRM mo­­tor­cycle (4492-NN) ni Cando at Isuzu dump truck (RJK-278) na minamaneho ni Cau­din ang lugar ng dumulas ang una at sumadsad sa kalsada­. Dala ng mabilis na impact, tumilapon mula sa mo­torsiklo si Cando saka ti­namaan ng paparating na truck. Dahil dito, nagtamo ng matinding tama sa katawan ang biktima sanhi ng agaran nitong kamatayan.