MANILA, Philippines - Limang preso ang nakatakas mula sa Navotas City Jail kahapon. Kinilala ang mga pugante na sina Mark Anthony Austria; Lito Labongray; Jaryl Salvador; Narciso Disipulo at Alejandro Alex.
Ayon sa report ng pulisya, dakong alas-4 ng umaga nang makapuga ang lima mula sa selda 3 sa Navotas City Jail, na matatagpuan sa M. Naval St., Brgy. Sipac ng nabanggit na lungsod.
Iniimbestigahan pa kung papaano nakapuga ang lima at kung may pagkukulang ang mga nagbabantay ditong jail officer.