Iniwan ng nobya, 16-anyos nagbigti

MANILA, Philippines - “Napapagod na din ako, paalam sa inyo mahal ko kayo pati ikaw Mickaru kaso di nyo ako magawang pasayahin sa kabila ng paghihirap ko sa iyo.” Ito ang bahagi ng nilalaman ng suicide note na iniwan ni Dominick Tatel, 16, 3rd year high school student sa St. Anthony de Padua at nakatira sa Dagonoy St., Singalong, Maynila.

Sa imbestigasyon, na­tagpuang walang buhay at nakabigti ang biktima dakong alas-6:45 ng gabi sa loob ng comfort room sa ikalawang palapag ng kanilang bahay.

Nabatid na huli umanong nakitang buhay ng kanyang tiyuhin na si Edward Tatel ang biktima dakong alas-5 ng hapon na katabi pa niyang nano­nood ng telebisyon pero tumayo at umalis.

Sinabi ni Edward na ilang araw na niyang napapansin ang pagiging malulungkutin ng pamangkin matapos makipagkalas dito ang kasintahang si Mickaru na posibleng da­hilan ng pagpapakamatay nito.