MANILA, Philippines - Isang 17-anyos na binata ang nagpakamatay sa pamamagitan nang pagbibigti sa loob ng kanilang bahay sa Tondo, Maynila, kahapon ng madaling araw.
Kinilala ang nasawi na si John Mark Tugadin, ng Molave St.,Tondo, Maynila.
Ayon sa ulat, dakong alas- 4:30 ng madaling-araw nang matuklasan ng tiyuhing si Rene Roque, na nakabitin ang biktima sa kulay puti na sinturon na itinali sa tubo ng tubig na ginagamit na sampayan.
Nagkataon lamang umano na napasilip sa kuwartong tinutulugan ng biktima ang tiyuhin nito, nang magising ng madaling araw upang umihi at doon nakita ang walang buhay na pamangkin.
Naniniwala si Roque na may dinaramdam ang pamangkin dahil nabasa niya sa cellphone nito ang mensahe ng nobya na tinatapos na ang kanilang relasyon.