Binata pisak sa dump truck
MANILA, Philippines - Isang 19-anyos na binata ang nasawi nang mabundol at magulungan ng isang dump truck habang ang una ay nagbibisekleta, kamakalawa ng gabi sa Valenzuela City.
Dead on the spot sanhi ng pinsala sa ulo at katawan ang biktimang si Jaypee Liwalas, ng Brgy. Maysilo, Malabon City.
Sumuko naman sa pulisya si Alejo Herman, 62, ng Tagalag, Valenzuela City, driver ng Isuzu dump truck (INA-923). Lumalabas sa report ng pulisya, naganap ang insidente dakong alas-6:20 ng gabi sa Santiago St., Brgy. Malinta, Valenzuela City habang binabagtas ng biktima lulan ng kanyang bisikleta ang nasabing lugar nang mabundol ng dump truck na minaneho Herman. Pagbagsak ng biktima ay nagulungan pa ito ng hulihang gulong na naging dahilan ng agaran nitong kamatayan.
- Latest
- Trending
