St. Lukes nilusob ng mga militante

MANILA, Philippines - Hindi nakaligtas maging­ ang St. Luke’s Medical Cen­ter sa Global City, Taguig sa mga militante ma­karaang 20 aktibista ang nagsagawa ng “lightning rally” upang kondenahin ang “hospital arrest” kay dating Pangulong Gloria Macapagal-Arroyo.

Nagulat ang mga tauhan ng Taguig City Police sa rally ng mga mi­litante nang magpanggap na magtutu­ngo lamang sa pagamutan nang biglang maglabas ng mga placards at magsisigaw.

Nakasaad sa placards ng mga militante ang katagang, “Gloria sa Correctional hindi sa Hospital at Gloria Ikulong!”

Kinuwestiyon ng grupo na ang ibinigay na “hospital arrest” kay dating pangu­long Arroyo habang hindi naman ito pormal na hini­ling ng mga abogado nito.  Dapat umano ay idiniretso agad ang dating Pangulo sa angkop na detention center kasama ang ilang mga bilanggo.

Ayon kay Dr. Beng Ri­vera ng Health Alliance for Democracy (HEAD), hindi dapat bigyan ng anumang special treatment ang da­ting pangulo sa pagkaka­sangkot nito sa electoral sabotage noong 2007.

Giit pa ni Angie Ipong ng Samahan ng Ex-De­tainees Laban sa Detensyon at Aresto (SELDA), dapat na mailipat na sa kulungan ang dating pangulo at maranasan nito ang makulong ng ilang taon.