2 factory ng tabako nasunog

MANILA, Philippines - Tinatayang aabot sa P20-milyong halaga ng ari-arian ang tinupok ng apoy sa naganap na sunog sa dalawang factory ng tabako sa Marikina City kamakalawa ng gabi.

Sa ulat ng Bureau of Fire Protection (BFP) ng Marikina, nabatid na ganap na alas-10:20 ng gabi noong magsimula ang sunog at umabot sa Task Force Delta ang alarma.

Naapula ang apoy ganap na alas-2:50 ng madaling-araw kahapon na tuluyang tumupok sa building A at building B ng kilalang brand ng siga­rilyo na makikita sa Fortune Village, Marikina.

Hindi naman nakapandamay sa mga kalapit na residente ang naganap na sunog dahil na rin sa mataas na firewall ng pabrika.

Wala ring naiulat na nasawi o kaya’y nasaktan sa nasabing sunog na ngayon ay kasalukuyan pang iniimbestigahan ang pinagmulan ng apoy.