Delivery boy hinoldap, pinatay

MANILA, Philippines - Hinihinalang hi­nol­­dap at pi­natay ang isang delivery boy na may bit­bit na mala­king halaga ng salapi na pang-­os­pital ng isa niyang ka­a­nak, kahapon ng umaga sa Taguig City.

Nakilala ang nasawi na si Mauro Marcelino, 37-delivery boy ng isang restoran sa Makati at na­ninirahan sa Wa­ter­fun, West Ser­vice Road, Brgy. Signal Village, ng naturang lungsod.

Nabatid sa inis­ yal na ulat ng Taguig City Police, dakong alas-8:30 kahapon ng umaga nang matagpuan ang bang­kay ni Marcelino sa may C-5 Road, Brgy. Pinagsama ng naturang lung­sod.

Isang tama ng bala ng baril ang kumitil sa buhay ng biktima.

Hinala ng pulisya na maaaring bumaba pa ng kanyang motorsiklo at kinausap pa ng biktima ang salarin bago ito paslangin dahil sa na­katayo at umaandar pa ang makina ng sasakyan nang rumesponde ang mga awtoridad. 

Isang baril na rebol­ber ang natagpuan ng pulisya ma­ la­pit sa biktima.

Ayon naman kay Den­­­­cio Marcelino, kapa­tid ng biktima, inutusan nila na mag-withdraw sa banko ng P90,000 si Mauro na gagamitin nila sa pagpapaospital ng kanilang kapatid na lalaki na may sakit.

Hindi na matagpuan sa bik­tima ang uma­no’y pera na dala nito habang itinanggi ng mga kaanak nito na sa kanilang kapa­tid ang natagpuang baril.

Patuloy naman ang ma­susing imbestigas­yon ng Taguig City Police sa naturang krimen upang mabatid ang tunay na naganap.