MANILA, Philippines - Sinalakay ng mga operatiba ng Bureau of Customs ang isang warehouse sa Binondo, Maynila na ginagawang imbakan ng mga smuggled na pekeng produkto.
Mismong si Customs Commissioner Angelito Alvarez ang nanguna sa raid kung saan nakumpiska ang mga pekeng bag na kinabibilangan ng trademarks na Louis Vitton, Gucci, Channel at Burberry.
Ayon kay Alvarez, tinatayang aabot sa mahigit P70 milyon ang halaga ng mga nasamsam nilang mga produkto sa ika-apat na palapag ng Kings Plaza building.
Agad namang inerekomenda ang pagsira sa mga nasamsam na mga pekeng produkto.
Ito na ang pangalawang warehouse ng mga counterfeit bags na sinalakay ng BOC sa loob lamang ng buwang ito na nagsanhi sa mahigit isang bilyong pisong pagkalugi sa kita ng ahensiya o buwis para sa gobyerno.