Mag-utol kritikal sa amok

MANILA, Philippines - Sugatan at nasa ma­lubhang kalagayan sa ospital ang magkapatid na lalaki makaraang pag­sasaksakin ng nag-amok na lalaki sa Marikina City kahapon ng madaling-araw.

Kapwa nakaratay nga­yon sa Amang Ro­dri­guez  Memorial  Medical Center sina Rizalino Villa­carlos, 45, ng Narra St., Marikina Heights; at Raul Villa­carlos, 52, ng Daangbakal St., Brgy. San Roque sa nasa­bing lungsod.

Si Rizalino ay nagtamo ng apat na saksak sa iba’t ibang ba­hagi ng katawan habang limang saksak naman si Raul.

Ang suspect ay mabilis na nakatakas matapos ang insidente na siyang target nga­yon sa ginagawang pag­hahanap ng pulisya.

Sa rekord ng Marikina Police, ang in­sidente ay naganap dakong alas-12:30 ng mada­ling-araw sa Molave St., Brgy. Parang, Marikina City.

Sinasabing naglalakad na papauwi ang magkapatid noon nang biglang sumulpot sa ka­­­nilang likuran ang sus­pect na naglilisik umano ang mga mata at walang sabi-sabing pinagsa­saksak ang magkapatid.