Tiya tinarakan ng pamangkin

MANILA, Philippines - Nasa kritikal na kalagayan ang isang babae makaraang saksakin ng kanyang pamangkin matapos na hindi mabigyan ng almusal ng una ang huli kahapon ng umaga sa Navotas City. Nagtamo ng ilang saksak sa katawan ang biktimang nakilalang si Rowena Bautista, ng Brgy. San Jose ng na­banggit na lungsod. Hinahanting naman ng pulisya ang pamangking suspek na si Rafael Malaca.

Naganap ang insidente dakong alas-9 ng umaga sa loob ng bahay ng biktima makaraang manghingi ng almusal ang suspek at hindi ito nabigyan ng una. Dito na nagalit ang suspect hanggang sa kumuha ng patalim at sinaksak ang tiya. Pagkatapos nito ay mabilis na itong tumakas.