MANILA, Philippines - Patay sa atake sa puso ang 35-anyos na lalaki nang sumama ang loob sa pag-aaway nila ng kanyang live-in partner sa loob ng kanilang bahay, sa Sta. Cruz, Maynila, kahapon ng madaling araw.
Ayon sa pulisya dakong ala-1:10 ng madaling-araw kahapon nang dumating ang biktima mula sa trabaho, na sinalubong ng kanyang kalive-in na si Marilyn Baluran.
Nakita ni Baluran ang ‘kiss mark’ sa dibdib ng biktima nang maghubad ito ng T-shirt na humantong sa matinding selos at pagtatalo.
Inakusahan ni Baluran ang biktima na may kinalolokohang babae na mariin namang itinanggi ng huli.
Nang matapos ang sigalot, nagtungo ang biktima sa comfort room at biglang nakaramdam ng paninikip ng dibdib at nawalan ng malay.
Isinugod sa Jose Reyes Memorial Medical Center ang biktima subalit idineklara na itong dead on arrival.