2 MPD pulis nanakawan ng baril sa Luneta Park
MANILA, Philippines - Dalawang bagitong pulis ang nawalan ng kanilang service firearms habang nag-eensayo para sa kumpetisyon sa Civil Disturbance Management (CDM) sa Luneta Park, Ermita, Maynila, kamakalawa ng umaga.
Sa magkahiwalay na reklamo sa tanggapan ng Manila Police District-General Assignment Section nina PO1 Charlie Borromeo, 26, at PO1 Jerome Oponano, 25, kapwa nakatalaga sa MPD-District Public Safety Batallion (DPSB), dakong alas-11:30 nang hindi na makita sa loob ng compartment ng kanilang mga motorsiklo ang kanilang kalibre .45 baril.
Ipinarada lamang umano nila sa tapat ng Luneta Police Community Precinct ang mga motorsiklo at nang matapos ay wala na ang mga baril.
Matatandaang noong Abril 30, 2011, habang dumadalo ng tourism awareness seminar ang isang MPD police ay nakarnap ang kanyang ipinaradang Honda XRM (5512-TT) sa loob ng Luneta Park o National Parks and Development Compound (NPDC).
- Latest
- Trending
