8-katao timbog sa droga

MANILA, Philippines - Walo katao na sangkot sa ilegal na operasyon ng droga ang naaresto sa magkakahiwalay na anti-illegal drugs operation ng Philippine Drug Enforcement Agency (PDEA) sa Mandaluyong City at Quezon City, iniulat kahapon. Kinilala ang mga suspect na sina Jonathan Bautista; Angelyne Arca; Anita Gubala; at Jeselyn Mahusay; pawang mga residente sa Mandaluyong City; Adrian Varquez; Arnel Varquez; Tomas Gomez; at Fernando Gonzales; ng Quezon City. Ang pag-aresto sa mga suspect ay bunga ng isang linggong surveillance sa kani-kanilang mga lugar bunsod ng impormasyong sila ang nagtutulak ng shabu na ipinapakalat sa iba’t ibang lugar sa Metro Manila. Ang mga suspect ay nasa kustodiya ngayon ng PDEA MMRO sa Quezon City habang inihahanda ang kasong paglabag sa Republic Act 9165 laban sa kanila.