Kostumer sa videoke todas sa sekyu

MANILA, Philippines - Nabaril sa dibdib at hindi na umabot pang buhay sa paga­mutan ang isang la­sing na kostumer ng isang videoke bar matapos magtangkang agawan ng baril ang security guard habang inaawat ang una sa pagwawala sa Tondo, Maynila, kahapon ng ma­daling-araw.

Kinilala ang nasawi na si Gary Lasac, alyas Ato, ng Infanta St., Balut, Tondo, Maynila.

Agad namang sumuko sa Manila Police District-Raxabago Police Station 1 ang suspect na si Philadelfo Conserva, secu­rity guard ng Jamester Videoke Bar na nasa H. Lopez at Buendia Sts., Balut, Tondo.

Ayon sa ulat, dakong alas-12 ng madaling-araw nang ma­ganap ang insi­dente sa labas ng videoke bar.

Uminom umano sa naturang establisi­mento si Lasac at nang malasing ay lumabas at doon nagwala.

Inawat naman ito ng suspect na sekyu pero hindi ito nakinig, imbes ay tinangkang agawin ang service fire­arm ni Conserva.

Nakipambuno naman ang sekyu hanggang sa pumutok ang baril at tinamaan sa dibdib ang biktima.