Salvage victim ibinitin sa tulay

Manila, Philippines - Isang hindi pa kilalang lalaki na pinaniniwalaang biktima ng salvage ang natagpuang nakabigti sa Dimasalang bridge sa Sampaloc, Maynila, kahapon ng madaling-araw.

Nababalutan ng packaging tape ang ulo at binigti sa asul na lubid ang naturang lalaki na nasa edad na 35 hanggang 40; nakasuot ng itim na t-shirt at maong na pantalon; may tattoo­ na “CHUA I:U” sa kaliwang balikat at simbolo naman ng Commando gang sa likod.

May nakasabit ding placard­ sa bangkay ng biktima na nag­sa­saad ng “Isa akong salot sa lipunan holdaper at pusher ako... ikaw, salot din ba? susunod ka na.”

Sa ulat ng pulisya, dakong alas-2 ng madaling-araw nang madiskubre ni Rodelio Alzate ang bangkay na nakasabit sa nasabing tulay at ipinagbigay-alam sa tanod ng Brgy. 484, Zone 48 na siyang nagreport sa pulisya.

Inilagak ang bangkay sa Uni­versal Funeral Homes.