Welder nasabugan ng water tank, patay
MANILA, Philippines - Patay ang isang 32-anyos na welder/fitter nang sumabog ang water tank na kanyang wine-welding, habang sugatan ang tatlo niyang kasamahan sa trabaho sa loob ng Pier 16, North Harbor, Tondo, Maynila, kahapon ng umaga.
Sa sketchy report, ang biktimang si Larry Morados ay hindi na umabot ng buhay sa Mary Johnston Hospital bunga ng matinding pagsabog ng tangke na tumama sa kanyang mukha at katawan.
Nilalapatan naman ng lunas sa nasabing ospital ang tatlo pang sugatan na kinilalang sina Edison Daan, Jonathan Montalbo at Daniel Flores na pawang empleyado ng G & L Hardcore Corporation, kung saan nagtatrabaho rin si Morados. Dakong alas-9 ng umaga nang maganap ang nasabing insidente sa loob ng compound ng MMSI, sa Pier 16, North Harbor, Tondo.
Nasapul din ng mga bakal na sumabog ang tatlo bagamat hindi naman delikado umano ang kanilang buhay. Patuloy pa ang imbestigasyon sa kaso.
- Latest
- Trending
