Holdaper utas sa pulis
Manila, Philippines - Patay ang isang hindi pa kilalang holdaper matapos manlaban sa mga pulis na rumesponde sa isang holdapan sa Tondo, Maynila, kahapon ng madaling-araw. Isa pang kasamahan ng nasawi ang nakatakas. Dakong alas-2:10 ng madaling araw ng maganap ang insidente sa Dagupan Ext, at Bulacan St., Tondo, Maynila.
Isang babae na kinilalang si Racquel Santos ang patungo sa paradahan ng tricycle nang biglang hablutin umano ng isa sa dalawang suspect ang kaniyang bag. Nagtatakbo ang biktima at sumigaw ng tulong kaya nakaagaw pansin sa mga nagpapatrulyang pulis na humabol sa mga suspect.
Pinaputukan umano ng isa sa suspect ang mga pulis na hindi naman tumama kaya siya niresbakan ng putok na ikinabulagta nito. Narekober dito ang isang baril at ang bag na hinablot sa kanilang biktima.
- Latest
- Trending
