Hostage-taker dedo sa pulis

MANILA, Philippines - Napatay ang sinasa­bing notoryus na holdaper na nang-hostage ng babae matapos makipagbarilan sa mga pulis sa Brgy Commonwealth, Quezon City kamakalawa.

Kinilala ni P/Supt. Ronnie­ Montero, hepe ng Police Station 6 ng QC, ang napatay na si Dennis Estrada na guma­gamit ng mga alyas Jeffrey, Ronnie, at Tayman,

Narekober ng pulisya ang cal. 45 pistola at patalim na ginamit sa hostage-drama laban kay Glenda Nieva, 35.

Ayon sa ulat, naganap ang insidente sa bahay ni Glenda sa Kamagong St., Brgy. Commonwealth ganap na alas 5:45 ng hapon.

Nabatid na natiyem­puhan ni Estrada na nano­nood ng telebisyon si Nieva saka isinagawa ang hostage-drama.

Lumilitaw na bago ma­ganap ang insidente, binaril ni Estrada si Edgar Bernardo sa nasabing lugar noong Biyernes kaya pinag­hahanap ng pulisya.

Dito naman namataan ng ilang residente si Es­trada na pumasok sa bahay ni Nieva kung saan na­ganap ang hostage-drama.