Mid-year bonus ng mga kawani sa Navotas City Hall, ibibigay na

MANILA, Philippines - Magandang balita para sa mga kawani ng Navotas City Hall dahil maaga nilang matatanggap ang kanilang mid year bonus bilang paghahanda sa nalalapit na pagbu­bukas ng klase.

Ito ang inanunsiyo ni Na­votas Mayor John Rey Tiangco sa  may 1,240 kawani ng naturang tanggapan.

“We want to help our city hall employees to avoid the school opening rush and to cope with the expected increase in the prices of school supplies as the school ope­ning draw near,” ayon kay Tiangco.

Ang matatanggap na bonus ng mga empleyado ay katumbas ng kalahating buwan suweldo samantalang makukuha rin ang 50 porsi­yento sa kanilang taunang bonus na ibinibigay.

Inatasan na rin ng alkalde ang Navotas City Police na paghandaan ang “Balik Eskuwela 2011” program upang mabigyan ng seguridad ang lahat ng eskwela sa buong Navotas.