Bebot lasog sa dalawang taxi sa pagtawid sa EDSA

MANILA, Philippines -  Isang hindi nakikilalang babae ang nasawi matapos na mabundol ng dalawa umanong taxi habang tumatawid sa EDSA sa lungsod Quezon kahapon ng madaling-araw.

Ang biktima ay inilarawan na nasa 40-45 anyos, katam­taman ang pangangatawan, morena, maikli ang buhok at nakasuot ng asul na t-shirt at striped na short pants.

Agad na nasawi ang biktima sa naturang lugar makaraang mahagip ng dalawang taxi na hindi naman huminto matapos ang pagkakabundol ganap na ala-1 ng madaling-araw sa harap ng Brgy. Unang Sigaw sa naturang lugar.

Ayon sa ilang saksi, tinangka ng biktimang tumawid sa lugar, pero nahagip ng taxi na galing sa Congressional Avenue­ patungong Caloocan City. Matapos na bumuwal, muli na namang nahagip ng isa pang taxi ang biktima na galing din sa nasabing direksyon na hindi napuna na may nakahiga sa kalsada.