3,000 pulis ikakalat sa Maynila

Manila, Philippines - Tiniyak ni MPD director C/Supt. Roberto Rongavilla na kasado na ang planong pagpapakalat ng may 3,000 pulis at augmentation force mula sa NCRPO para sa segu­ridad at mangangasiwa ng peace and order sa pagdiriwang ng Labor Day sa Mayo 1.

Ito’y dahil na rin sa inaasahang pagdagsa ng militante at labor groups sa Mendiola, Liwasang Bonifacio at Plaza Miranda, kung saan magsa­sagawa ng kani-kanilang pro­grama ang tinatayang may 10-libong miyembro ng mili­tanteng grupo na kakalam­pag sa gobyerno para sa kahilingang P125 across the board increase ng mga manggagawa at paglusaw sa oil deregulation law na nag­pa­pahirap pa lalo sa mga mahihirap na manggagawa.

Magpapatupad ng maximum tolerance ang mga rali­yista na inaasahang magsisimula ng pagkilos dakong alas-7 ng umaga.