Pagdami ng cellsite, pinabubusisi

MANILA, Philippines - Pinabubusisi ni Ma­nila 3rd District Councilor Atty. Joel Chua ang pagdami ng cellsite sa lungsod ng walang kaukulang permit mula sa konseho ng Maynila.

Sa kanyang isinumi­teng resolution sa City Council, nais ni Chua na bumuo ng Ad Hoc Committee na siyang magsisiyasat sa pagdami ng mga itinatayong cellsite sa lungsod at kung mayroon itong sapat na permit mula sa   city hall.

Ayon kay Chua, na­kasaad sa Section 52(c) (1), Article VIII ng Ordinance No. 8119 o mas kilala bilang “ The Manila Comprehensive Land Use Plan and Zoning Ordinance of 2006” na kailangang may permit ang mga itatayong Radio Transmitting Stations o Telecommunications To­wers sa lugar ng Maynila.

Napag-alaman na tila “kabute” ang mga cell sites sa iba’t ibang panig ng lungsod subalit walang Special Use Permit na naka­saad sa City Ordinance ng City Council.

Ipinaliwanag pa ng konsehal na dapat uma­nong magsagawa ng im­bestigasyon in aid of legislation ang konseho upang malaman kung bakit nakapag-o-operate ang mga na­­sabing busi­ness es­tablishment ng hindi su­musunod sa probisyon.

Ang Ad Hoc Committee ay binubuo nina   Councilor Ric Ibay, chairman; Councilor Er­nesto Isip, Jr., Vice Chairman; Councilors   Joel Chua, Honey Lacuna-Pangan, Marlon Lacson, Casi­miro Sison at Jocelyn Dawis-Asuncion bilang mga mi­yembro.