Bomb threat sa Manila City Hall

MANILA, Philippines –  Bigo ang mga “frank caller” na bulabugin ang mga dumalo sa “People’s Day” ni Manila Mayor Alfredo Lim sa Bulwagan ng Katarungan matapos na balewalain lamang ang itinawag nitong sasabog na bomba.

Alas-10 ng umaga kahapon nang matanggap ni Dolores Vila, 31, ang isang tawag na mula sa isang lalaki na nag­sabing dapat nang palabasin ang mga empeyado at sibilyan na nasa gusali dahil may sa­sabog na bomba.

Inanunsiyo naman ni Lim sa People’s Day ang bomb threat kasabay ng pahayag na “may bomb threat, kung sino ang natatakot ay maaari nang lumabas, ako’y maiiwan dito.”

Subalit tila walang epekto ang tawag dahil tuluy-tuloy pa rin ang paghingi ng tulong ng mga residente at barangay officials­ sa alkalde.

Sa kabila nito, sinabi ni Chief Insp. Marcelo Reyes, hepe ng Manila City Hall Detach­ment, tumawag pa rin sila sa Manila Police District-Explosive and Ordnance Division (MPD-EOD), para beripikahin ang tawag na nagnegatibo naman sa bomba sa isinagawang ins­peksyon.