Bebot inatado ng live-in partner

MANILA, Philippines - Patay ang isang 31-anyos na babae matapos na pagsasaksakin ng kan­­yang live-in partner ka­ maka­lawa ng gabi sa Pasay City.

Dead-on-arrival sa Vil­lamor Airbase General Hos­pital­ ang biktimang si Gilda Gaba-gaba, ng Upper Normad, Merville Access Road. Nagtamo ito ng tatlong saksak sa katawan. 

Bugbog-sarado naman mula sa taumbayan ang suspect na si Ernol Ino, ng nabanggit ding lugar.

Sa ulat ng Pasay police, naganap ang krimen dakong­ alas-7:30 ng gabi sa kahabaan ng CKhai Barrio Balagbag, Pasay kung saan nakita ng suspect na may kasamang ibang lalaki ang biktima. 

Dala ng matinding selos kinompronta ng sus­pect ang biktima at nagbunot ng patalim.

Tinangka ng biktima na tumakbo subalit hinabol ito ng suspect hanggang sa undayan ng saksak.

Sumaklolo naman ang taumbayan at ginulpi ang suspect.

Ayon naman sa suspect hindi niya pinagsi­sisihan ang kanyang gi­nawa dahil matagal na siyang niloloko ng biktima.