Hindi nagsisinungaling ang ebidensiya: Tauhan ng MMDA nakunan habang tumatanggap ng suhol

MANILA, Philippines –  Sinibak sa kanyang tungkulin ang isang tauhan ng Metropolitan Manila Deve­lopment Authority (MMDA) makaraang makunan ng litrato at mailathala ang pagtanggap nito ng suhol buhat sa isang motoristang sangkot sa isang aksidente sa Pasig City.

Inihayag ni Chairman Fran­cis Tolentino na ang pag­sibak kay Rodelio Sison, miyembro ng MMDA Road Emergency Group ay ginawa makaraang makita ang litrato ng pagtanggap nito ng pera buhat sa motoristang si Vincent Escobar.

Sa ulat ng MMDA, naaksi­dente si Escobar nang bu­mangga ang pulang Ferrari sports car nito sa center island­ ng Ortigas Avenue sa Pasig City. Tumanggi umano na makipagkooperasyon si Escobar sa mga tauhan ng MMDA kung saan nagpakilala na kaanak ng isang he­neral at tumangging ipahatak ang kanyang sasakyan.

Sa lumabas na litrato, na­kita ang pag-abot ng pera ni Escobar at ang pagtanggap ni Sison kung saan nakitang hawak nito sa kamay ang ilang tig-P1 libong pera.

Nanawagan din naman si Tolentino sa mga motorista na tanggalin na ang uga­ling manuhol sa mga traffic enforcers upang mabura na ang kultura ng korapsyon sa kalsada dahil sa panunukso sa kanilang mga tauhan.