Tirador ng kotse arestado

MANILA, Philippines - Rehas na bakal ang binagsakan ng isang 26-anyos na mekaniko na sinasabing miyembro ng Bukas-Kotse Gang makaraang maaktuhang binubuksan ang nakaparadang kotse­ sa parking lot ng SM Fairview sa Quezon City kama­kalawa.

Kinilala ni P/Supt. Leandro Olano, hepe ng Quezon City Police Station 5 ang suspek na si Bryan Quino, tubong Albay at nakatira sa Dhalia, Camarin, Caloocan City.

Nabatid na namataan ng security guard si Quino na sapilitang binubuksan ang kulay silver na Toyota Corolla­ model 1999 (URT-565) na pag-aari ni Leo­degario Biagtan, 59, ng Lagro Subdivision.

Agad na humingi ng res­ponde ang mga sekyu sa pulisya at tinungo ang lugar kung saan naaktuhan ang suspek habang binubuksan ang nasabing kotse.

Nagawa pang makasakay ng suspek saToyota Corolla­ (WRN-446) at pinaharurot ito papatakas, su­balit nakorner ng pulisya sa kahabaan ng Fairview, Brgy. Lagro.