75 bahay natupok

MANILA, Philippines –  Tinatayang aabot sa  75 bahay ang tinupok ng apoy dahil sa hinihinalang napabayaang kandila sa Caloocan City kahapon ng madaling-araw.

Sa inisyal na report ng Caloocan City Fire Department, nabatid na  alas-3:45 ng madaling-araw nang magsimula ang sunog sa  bahay ng isang nagngangalang Arsenio, 62, sa Tabon St., Malaria ng nabanggit na lungsod.

Bagamat nagtulung-tulong­ ang mga residente, hindi na rin napigilan ang paglaki ng apoy na nagre­sulta ng paglamon nito sa mga bahay.

 Napag-alaman na  nawalan ng ilaw sa nasabing lugar kung kaya’t gumamit ng kandila ang ilang residente.

Dahil gawa sa light ma­terials ang mga bahay, mabilis na kumalat ang apoy,  kung saan naapula ito dakong  alas-6 na  ng umaga.

Wala namang naiulat na nasawi o nasaktan sa nasabing insidente.