Motorista todas sa road mishap

MANILA, Philippines - Napaaga ang kamatayan ng isang motorista makaraang masalpok ng kotse ang kanyang motorsiklo sa bahagi ng Makati City kahapon ng umaga. Dead-on-spot si Jesus dela Cruz ng Bagumbong, Caloocan City, kung saan kini­lala sa pamamagitan ng identification card na nakuha sa kanya ng mga imbestigador.

Nasa custody ng pulisya at nahaharap sa kasong reckless imprudence resulting to homicide ang drayber ng kotse na si Rafael Sy.

Sa inisyal na report ng Makati City Traffic Enforcement Unit, naganap ang in­sidente dakong alas-5 ng umaga, sa northbound lane ng EDSA sa Brgy. Guadalupe.

Nabatid na nagmomotorsiklo ang biktima nang ma­­hagip ng sasakyan ( ZRN-618) ni Sy. May ilang metro na tumilapon si Dela Cruz, mula sa kanyang motorsiklo kung saan nabagok ang ulo sa sementadong kalsada.