TRO ng 'kuliglig' ibinasura ng korte

MANILA, Philippines - Ibinasura ng  Manila Regional Trial Court ang isi­nam­pang petisyon ng  mga kuliglig drivers  laban sa ipinatupad na executive order ni Mayor Alfredo Lim.

Ang mga kuliglig drivers­  sa ilalim ng Alyansa ng Nagkakaisang Pedicab at Kuliglig Drivers ng Manila (Alnapedku) ay naghain ng kanilang petisyon sa MRTC branch 39 upang kuwestiyu­nin at ipatigil sa korte ang ipinatutupad na kautusan ni  Lim  na nagbabawal sa mga three-wheeled vehicles na pumasada sa mga pangunahing kalsada sa lungsod simula Disyembre 1.

Batay sa desisyon ni MRTC  Judge Noli  Diaz, ang Office of the Mayor  ay may ka­rapatang ipatupad ang mga batas trapiko bagama’t apektado dito ang  mga kuliglig drivers.

Sinabi pa ni Diaz na walang sapat na batayan ang mga driver upang  balewa­lain ang kautusan sa pamama­gitan ng paghingi ng  TRO. Sa Pebrero naman nakatakda ang pagdinig ng kaso kung unconstitutional  o hindi ang ka­utusan ni Lim.